Conciert di Maddi, Alffa e Alvise Nodale

E je une zovine artiste che, tal incuintri tra une fonde orchestrâl minimâl e un cjantautorât moderni, e à cjatât il spazi sonôr just par contâ lis sôs emozions cuntune poetiche profonde che e valorize ad in plen la lenghe basche te sô musicalitât e tal so misteri. I siei tocs a àn une ande oniriche là che la poesie si misclice cul dolç e cul scûr de vite di ogni dì.

Nassûts e cressûts a Llanrug – che si lu cognòs tant che il paîs plui galês dal mont – i Alffa a cjapin sù cul lôr sunôr la bielece salvadie e il spirt indomabil de lôr tiere. Inlidrisade tal punk, tal blues e tal rock dai riffs che a sgrifin, la musiche dai Alffa e je crude, urgjente e inconfondibile. A fâ di lescje pe sô esplosivitât al è alc che al va plui insot, o sei il fat che la musiche in lenghe minorizade no je par pôcs ma sante scugne, e je vive, simpri in moviment e… scjassose.

Une des bandieris de gnove gjenerazion dal cjantautorât cjargnel, Alvise si fâs notâ pe sensibilitât inmagade dai siei tescj, pal timbri vocâl e par une scriture par ghitare che a dan vite gnove al imagjinari e ai spazis de tiere che al cjante cul insiorânt l’atrat e la atmosfere di misteri cun notis di lûs e cuntun sunôr che al strie.