Leterature

SUNS Europe: suns di lei e di sintî, storiis di scuvierzi e di insumiâ. Une lenghe e esist cuant che al è cualchidun che le dopre – le fevele, le scrîf, le scolte e le lei – e cuant che si le dopre par dî, descrivi, contâ, inventâ o documentâ.
Doprâ lis lenghis minorizadis in mût creatîf al à di fonde par che a esistin e a rignuvissin il lôr vivôr. Narazion orâl, pagjinis scritis, peraulis sul palc e altris formis di contâ e di rapresentâ ta chestis lenghis a insiorin dut chel patrimoni de umanitât che al diven de diversitât linguistiche e de pluralitât di espressions, di storiis e di peraulis.
Lenghis diviersis par contâ il mont.