Lunis prin di Dicembar, 19.45
Cinema Visionario, Udin
A paiament, tarifis Visionario
LENGHIS DI RIFERIMENT: gaelic irlandês, inglês, talian
DESCRIZION: «Kneecap» e je une comedie dramatiche di Rich Peppiatt che e conte la strade che, tra elements di finzion e cualchi grampe di realtât, e à puartât al sucès l’omonim grup hip hop nordirlandês. Dongje dai trê membris dal grup, che a interpretin se stes, intal film o cjatìn ancje un atôr di innomine internazionâl tant che Michael Fassbender. Se i tescj feroçs e direts e lis posizions radicâls dai Kneecap a àn fat cognossi chest grup che al cjante par gaelic in dut il mont, il film che ju viôt di protagoniscj al à savût imponisi ae atenzion internazionâl pe sô fuarce e pe sô cualitât, meretantsi candidaturis e premis un pôc pardut, dal Sundance Film Festival al Galway Film Fleadh, fin ai British Academy Film Awards. Une fotografie de Irlande dal Nord, tra tensions politichis e malstâ sociâl, tra mobilitazions pe lenghe irlandese e violence urbane, come che no si le veve ancjemò viodude.
INTRODUSÛT DI: Adriano Cirulli
IN COLABORAZION: cul CEC (Centro Espressioni Cinematografiche) / Visionario e cul Comun di Udin.