Sabide ai 6 di Dicembar, 21.00
Teatri Gnûf «Giovanni da Udine», Udin
A paiament
Cun melodiis visionariis e inmagadis che si fissin inte memorie emotive za cu la prime scolte, Marius Ziska al è une vuide perfete par scuvierzi la sene faroese contemporanie cun dutis lis sôs sugjestions. Niçulantsi suntune barcje sonore in esplorazion jenfri lidrîs folk e usmis eletronichis, la sô poetiche si fâs vele mestre, sglonfe di emozions, tra fumatis maluseriosis e salustris che a lassin traviodi sul orizont crets maestôs che a vegnin sù dal mâr.