O CIRÌN VOLONTARIIS E VOLONTARIS pe edizion 2025
Jentre te famee di Suns Europe!
SUNS Europe al è un festival dulà che artistis e artiscj, lenghis e comunitâts di dut il continent si contin e si confrontin.
Sunôrs, visions, peraulis, ideis, espressions di identitâts che a esistin e a resistin, che si ricognossin in manieris dinamichis e creativis.
SUNS Europe al è nassût a Udin, in Friûl – Vignesie Julie, cûr multilengâl de Europe, al è un festival che za di cualchi an al premie lis miôr produzions artistichis musicâls, cinematografichis e leterariis intes lenghis minorizadis dal continent.
Suns Europe: par une Europe pardabon unide inte diversitât.
Se ancje tu tu âs voie di cognossi di dongje cheste Europe, e di vivi il Festival ancje di daûr des cuintis fâs domande par deventâ volontari o volontarie di Suns Europe dentri dai 17 di Novembar 2025.
MANSIONS
- Dâ il bon acet aes artistis e ai artiscj che a rivaran di dute Europe;
- Compagnâ lis artistis e i artiscj intes ativitâts dilunc di dute la durade dal festival;
- Jutori logjistic dal festival;
- Jutori ripresis e fotos;
- Info point e bancut par dâ fûr materiâl promozionâl e informazions utilis.
RECUISÎTS
- Vê finît 18 agns;
- Buine cognossince de lenghe inglese o di altris lenghis;
- Buinis capacitâts di relazion cu la int;
- Tante voie di stâ cu la int.
DATIS E LÛCS
26 di Novembar – 6 di Dicembar 2025.
L’impegn de volontarie/dal volontari al previôt dai incuintris prime dal inizi dal festival par ricevi lis
informazions che a coventin al a davuelzi lis propris mansions.
CE SPIETISTU?
A cui che al parteciparà i vignarà dât un atestât di partecipazion.
Par vê plui informazions: volontari@sunseurope.com
Jentre te famee di Suns Europe!
Suns Europe 2025 si davuelzarà dai 27 di Novembar ai 6 di Dicembar 2025.