Cort di vie Canonica 25, Lavarian
Se al plûf: Auditorium in place “S. Paolino”, Lavarian
21:00 – conciert
LONTRAS al è il progjet personâl di Juan Arca (ghitare e vôs). Midiant des sôs cjançons, Juan al propon un viaç li che tescj e musiche si completin l’un cun chel altri par evocâ imagjins e sensazions ta chei che a scoltin e par dismovi la lôr imagjinazion. Dopo di vê studiât ghitare classiche intal conservatori di Madrid, Juan al torne in Galizie propit vie pe pandemie, intun moment di insodisfazion pal mont academic, e al decît di lassâ libars di sbrocâsi i siei impuls creatîfs, dant vite aes primis cjançons dal progjet. Simpri cu la ghitare come base strumentâl, la musiche di Lontras e met adun la finece armoniche dal jazz e de musiche classiche cul pop sclet di grups tant che Wilco o Elliott Smith.
Jentrade libare.