Ziztada & Rlantz – 28/07/2023

Place Candussi, Romans dal Lusinç
Se al plûf: Cjase Candussi Pasiani, Romans dal Lusinç

21:00 – conciert

Ziztada & Rlantz al è un grup reggae dub nassût intal 2017. Il grup al è dât de vocalist Ziztada (Bilbao) e dal produtôr e dub maker Rlantz (Amurrio). Il progjet al è nassût cun chê di jentrâ intal mont dal sound system, stant che intai Paîs Bascs no jerin tancj grups che a lavoravin cun chest regjist e ancjemò di mancul par basc e cuntune femine tant che protagoniste. A dan vite a une musiche lôr che e à par fonde tescj alternatîfs e di rivendicazion, ancje se intai lôr ultins lavôrs si cjatin ancje sintiments e ideis personâls. A àn za daûr de schene trê albums: “Egun Hotzak” (2018) e “Azken Argiak” (2020), e l’ultin cul non “KSMS” (2021). L’album si intitule “KSMS” (KOSMOS) parcè che l’autôr al crôt che lis cjançons, sedi la musiche, sedi lis peraulis, a vedin un caratar “spaziâl”, ven a stâi che i ritmis cuiets e i tescj utopics a puedin menâ chel che al scolte fûr de realtât dal mont.

Jentrade libare.