Visionario, Udin 20.30
Bogre (Ocitanie) di Fredo Valla
Cine
Bogre al è un viaç dentri de “grande eresie europeane”, chê dai Catars e dai Bogomii, che nus compagne par mieze Europe – de Bulgarie ae Ocitanie – ae ricercje des relazions culturâls e religjosis jenfri chescj doi moviments. Une eresie “pericolose” parcè che e predicjave la pâs, la avualiance sociâl e la paritât tra om e femine. Il cine documentari dal regjist ocitan Fredo Valla al disvele une vicende trascurade dai libris di storie e al propon une riflession, magari cussì no inmò atuâl, su lis persecuzions cuintri dal “diviers”. Bogre al è un film su la libertât di pinsîr, sul dirit di sielzi, suntune idee di justizie che e scjavace tieris e timps. PROTAGONISCJ: Il film al sarà introdusût dal regjist e senegjatôr Fredo Valla. Formât ae scuele di Ermanno Olmi, al à colaborât cun Pupi Avati e Giorgio Diritti. Cun chest ultin, in particolâr, al à lavorât su la scriture di E l’aura fai son vir / Il vento fa il suo giro (2007) e Volevo nascondermi (2020). Tra lis sôs oparis plui resintis o cjatìn Non ne parliamo di questa guerra (2017) e Plus haut que les nuages (2015). Intal 2012 al à fondât a Ostana la scuele di cine “L’Aura”.
IN COLABORAZION: cul CEC – Centro Espressioni Cinematografiche di Udin.
–
A PAIAMENT