Area festeggiamenti, Lusevare / Bardo 21.00
Caamaño & Ameixeiras (Galicia)
La organetiste Sabela Caamaño e la violiniste Antía Ameixeiras a sunin adun dal 2018. In nancje trê agns a àn fat un numar di concierts ator pe Galizie e pal rest de Europe che al lasse scaturîts. In gracie de lôr preparazion tecniche e strumentâl straordenarie, Sabela e Antía a son in stât di tornâ a lei il repertori tradizionâl cun grande frescjece e cun snait.
Felix Lalù (Ladinie anauniche)
Felix Lalù al nas e al cres framieç dai tuessins dai miluçs de Val di Non. I siei tescj smafars e il tontonâ dai siei ritornei a son un stombli tal flanc de cuiete sene musicâl des valadis ladinis. Il so ultin lp “No hablo ladino” al è il prin lavôr discografic a jessi cjantât di çontefûr inte varietât di divignince ladine de Val di Non.
Conciert in colaborazion cu la Fieste dal Emigrant
—
jentrade libare cun prenotazion