Sabide ai 3 di Otubar a 21:00
Arci CRAL "Ciliti", S. Vît dal Tiliment
Jentrade libare
Pestefun
Power trio dal Friûl di Mieç formât di Luca D’Angela (vôs e ghitare), Michele Pietrini (bas) e Emanuele Agnoluzzi (batarie) che, dopo di vê segnât la sene rock furlane cun grups tant che Jonokognos, Jar Of Bones e Last Warning, si fasin cumò indenant cuntun rock che al scrîf par furlan tescj fuarts e leâts ad in dopli cu la sene musicâl nostrane e, chel istès, bogns di creâ paralelisims interessants cul grunge american dai agns di aur.
Su Dotori
il casteddaju Michele Atzori – cognossût come Su Dotori o Dr. Drer – al puarte sul palc passe trente agns di rap sart militant, chel nassût intal 1991 cui CRC Posse: hip hop, black music, rock e reggae che si misturin cun launeddas e tradizion isolane, al servizi di tescj di impegn politic e pe autodeterminazion. I siei albums e agnorums di concierts in Sardegne, Italie e Europe a contin un percors di ricercje che nol smet di lâ indenant.
Adur
Grup nassût a Bilbo tal 2023, Naroa e Xabier a fondin il folclôr basc cu la potence ritmiche de rave, la urgjence dal punk e tescj ducj par euskara. Un sunôr eletric e esplosîf che al incrose imagjinaris mitologjics e energjie contemporanie, stiçant i valôrs de societât a mostrâsi te lôr forme plui mostruose ancje par mieç di figuris tant che il diu madrac Sugaar.
