I 600 agns de colade dal stât patriarcjin aquileiês a son la ocasion par confrontâ chest moment storic cu la concuiste tal 1512 dal ream di Navare. Lis dôs vicendis no ufrissin dome la pussibilitât di resonâ su events cun no pocjis similaritâts ma ancje sui efiets che a àn vût par chei popui, su la maniere che la storiografie “uficiâl” e à cirût di gjavâi fuarce ae nature stesse di chei acjadiments e su la riscuvierte di simbui, fats e protagoniscj di chê ete par disveâ lis cussiencis. Un percors framieç de storie e de memorie par fevelâ de nestre atualitât.
Protagoniscj: Joseba Asiron al è nassût a Iruñea/Pamplona (Navare). Laureât in storie de art, insegnant, al è autôr di publicazions e iniziativis publichis dedicadis ae resistence e ae concuiste de Navare, tra chestis 50 fechas clave de la conquista de Navarra (2013). Impegnât inte çampe indipendentiste basche, al è stât ancje sindic di Iruñea. Angelo Floramo al è nassût a Udin (Friûl), al insegne storie e leterature e al colabore di consulent pe biblioteche Guarneriane di S. Denêl. Al sgarfe tai archivis, al scrîf par rivistis sei par furlan che par talian, al è autôr di cetancj libris e, tra chescj, Balkan Circus (2013), L’osteria dei passi perduti (2017) e La veglia di Ljuba (2018).
Introdusût e moderât di: Carli Pup
Traduzions: Pablo Gortan
In colaborazion: cul Comun di Murùs.
Cuant: lunis ai 31 di Avost, h 20.30
Dulà: Place dal Tei, Murùs (se al è brut timp: Auditorium “Riedo Puppo”, Murùs)
Lenghis di riferiment: furlan, basc, castilian, talian