Dulà: Foyer
Cuant: 01/12
Orari 20:15
Ebel Elektrik al è un power trio che al met adun une misture potente di hard rock, blues cence timp e tescj par breton e par inglês. Il cjantant e ghitarist Florian Ebel, il bassist Basile Tuauden e il baterist Germain Velut no bacilin daûr di efiets speciâi, campionaments o diauleçs eletronics. Ur bastin i lôr struments, cualchi distorsôr e un buine amplificazion par fâ sù une muraie di sunôrs cun cualchi barcon di cidin, là che la tradizion des dodis batudis si da dongje cu lis sôs evoluzions plui ruspiosis, e cjape sù ancje colôrs psichedelics e si insiore di divagazions prog rock e di dissonancis sonichis. Il risultât al è un viaç jenfri plens e vueits, businâ e cisics e peraulis che si rimpinin sù pe musiche compagn che suntun menhir.