Sabide ai 16 di Novembar 21:00
Sale de parochie, Lavarian
Il stîl inconfondibil de cjantautore Eneritz Furyak si môf a scjavaç jenfri pop e punk e il sunôr dûr e inmagant de lenghe basche al vuluce lis sôs melodiis vocâls cussì carateristichis.
Cu la jessude dal so gnûf album “Il princip content” al pâr che Silvia Michelotti e vedi recuperât il snait e l’entusiasim dai agns a cjaval tra Novante e Doimil – cuant che e jere deventade une des vôs plui cognossudis e preseadis de musiche furlane – cun in plui une maturitât di scriture che e convinç e un grup che al spache fûr.