Dulà: Foyer
Cuant: 02/12
Orari 18:00
Esposa al è il non di un cuartet che al rive des bandis di Sant Jacum di Galizie e che al cjante cun snait e cun braùre par galego. Il grup al met dongje un pop saurît e inteligjent, sempliç e plasevul, che al cjape ispirazion di plui bandis – par esempli si puedin ricognossi i rivocs di un ciert pop britanic dai agns Novante – e che al sune origjinâl, massime in graciis des vôs, de mancjance dal bas e dal lavôr che a fasin ghitaris, tastieris e percussions. Cualchi mês indaûr la band e à dât fûr il so prin disc, ‘Xardin Interior’. Lis struturis compositivis lizeris e in chel istès fuartis a sapontin tescj di sostance e il risultât al è une rieste di bielis cjançons. Gal-Pop melodic di scoltâ e di balâ.