Dulà: foyer
Cuant: 01/12
Orari: 18:30
Durade: 15 min.
Autôr: Richard Turner
Descrizion: Bandonâts i studis di economie, il neozelandês Richard Turner si à dedicât a esplorâ diviers cjamps de produzion artistiche movintsi dispès a cjaval tra cine, television, teatri e poesie. Ta chest lâ a torzeon pes arts si à cjatât a confrontâsi e a colaborâ plui voltis cul scritôr māori Rowley Habib. Chest confront/scuintri tra lenghis e culturis des dôs identitâts principâls de Gnove Zelande – chê di divignince europeane e chê māori – al è al centri dal curtmetraç “The Hunter” (Il cjaçadôr) che al propon il confront dramatic jenfri un cjaçadôr māori e un soldât britanic vie pal secul XIX là che no simpri al è facil di capî là che al è il nemì o l’amì. Il curt al è jessût intal 2014 e al dure un cuart di ore.
Comunitât: Maori