Dulà: foyer
Cuant: 02/12
16:30
Isa Zwart e je une zovine che e rive dai Paîs Bas. E cjante par inglês e par Dreènts, la varietât di bas todesc che si fevele te Provincie di Drenthe. Il so percors artistic al è tacât tai talentshows par television e al è lât indenant cu la partecipazion ae edizion di chest an dal Drèents Liedtiesfestival, rassegne dedicade ae produzion musicâl te lenghe locâl. La sô vôs e la sô presince seniche a son stadis une vore preseadis. Il so repertori al è fat di cjançons melodichis, tra folk e pop, caraterizadis di rangjaments fins e chel istès sempliçs. Une fantate che e studie par deventâ une stele pop.