Teatri Gnûf “Giovanni da Udine”, Udin
14/10/2023 – 21:00 – conciert
Lisa Harms e je la vincidore de edizion 2023 dal Liedtiesfestival, il festival plui impuartant de cjançon Dreents. “Tot de zun uut pour” (fin che il soreli al sparìs) al è il titul de cjançon che e puartarà a SUNS Europe. La vôs fofe e la melodie lizere de trombe si poin comudis sul tapêt di une balade acustiche dulinciose. Un omaç comovent in ricuart dal pari muart cuant che Lisa e jere inmò une vore zovine.