Cort Morpurgo, Udin
21:00 – conciert
Mar Grimalt
Il calôr des melodiis des Baleârs si sfante te taronditât de lenghe catalane. Musiche fate cun pôc (cuatri notis di ghitare, une piçule percussion…) a compagnâ il cjant ancestrâl di une zovine autore cjamade di poesie. Compagnade de amie e musiciste Ada Elionor, Mar Grimalt e je calcolade ad in plen tra lis autoris e interpretis plui intensis de sene musicâl maiorchine.
Massimo Silverio
Il cjantautôr plui ispirât e origjinâl de musiche furlane di vuê al presente lis composizions preziosis che a dan forme al ultin album Hrudja. Doprant la lenghe dal so cûr, Massimo al met dongje de musiche moderne il gust pe vilote. Un viaç traviers di une lenghe che e cîr in mût cjaviestri di sorevivi jenfri piel e gruse.
Jentrade libare.