Dulà : Sala Centrâl
Cuant: 01/12
Orari: 21:00
Titul: MISSUS
Durade: 70 min.
Autôr: Massimo Garlatti-Costa
Ai 28 di Avost dal 1974, intant di une celebrazion religjose su lis monts dal Friûl, dîs predis i domandin ai lôr arcivescui di podê dî messe te lôr lenghe: il furlan. La lôr domande e ven dineade e i predis, par proteste, a lassin sul altâr de glesie un document cu lis lôr domandis. Chest event al invie une crevadure ideologjiche cu la Glesie di Rome. Al è il moment là che e nas “Glesie Furlane”, la Glesie dai furlans. Il documentari al conte la vite dai ultins predis di Glesie Furlane, che dopo passe 40 agns, a difindin ancjemò il dirit di doprâ la proprie lenghe sei te liturgjie che te vite di ogni dì. La lôr bataie e je dople: cuintri dai prejudizis de societât civîl sul doprâ une lenghe minoritarie te vite di ogni dì, e cuintri dai befels dal clericât di Rome che al rive al pont di dineâi ai predis furlans di voltâ il Messâl te lôr lenghe. Missus al conte la storie di 40 agns di lote pe afermazion concrete e plene di cheste dignitât e di chest dirit: par che la lenghe e sedi un mieç di libertât e di espression de identitât, massime par chei popui minorizâts che a àn inte lenghe un imprest pardabon di sorevivence.