Teatri Gnûf “Giovanni da Udine”, Udin
14/10/2023 – 21:00 – conciert
Se i agns Novante a son stâts chei plui esplosîfs intal elaborâ une gnove culture furlane, i “FLK” a son cence fale la lôr colone sonore. My Sarajevo, Ratatuie, Tu tramontis a son stâts il catalizadôr essenziâl di une gjenerazion cuntune fuarte sensibilitât sociâl e politiche. Di cuant che a àn tacât a sunâ ae prime lungje “polse par pensâ” a son passâts siet albums simpri plui fins e cjamâts di poesie. L’an passât, biadelore, a àn decidût di tornâ a montâ parsore dai palcs. O ‘nt vevin propit bisugne!