
Mice + Silvurdrongur + Tumbe
Joibe ai 17 di Otubar, 21:00
Ottagono, Codroip (UD)
Jentrade libare
MICE (Paîs Basc)
Mice al è il pseudonim là che daûr e je la cjantautore Miren Narbaiza. Un lûc intim dulà meti in discussion la forme cjançon par sperimentâ la proprie vocalitât. Indi ven fûr une grampe di tocs segnâts di atmosferis nereosis e scorsenâts di ghitaris uçadis. Instradade su lis sinis dal post punk dai ’80 e dal indie rock dai ’90, Mice e libere la vôs dal so jessi plui profont inte sô lenghe proprie, l’euskara.
SILVURDRONGUR (Isulis Føroyar)
Il viaç sonôr di Silvurdrongur al scjavace i paisaçs scûrs e aliens des isulis Føroyar intune misture eletroacustiche di gjenars e tematichis. “Silvurpláta”, il prin album di chest artist, al è jessût intune cu la racuelte di poesiis “Silvurbók” e cul curtmetraç “111 góðir”. L’impat di chescj lavôrs su la pâs de sene artistiche faroese al è stât un davoi e al à cjatât un acet infogât. Une flabe intal mont incjantât dal bosc faroês, contade intune des lenghis plui piçulis de Europe.
TUMBE (Arumen)
I Tumbe a son tra i rapresentants di ponte de rinassince culturâl de comunitât di lenghe arumene che e vîf sparniçade ator pai Balcans e che e à savût resisti par secui ae assimilazion. La misture di struments eletroacustics proponude di chest grup e prodûs un sunôr fresc e gnûf, a cjaval jenfri fusion jazz e word music, là che lis virtuosistichis melodiis balcanichis si maridin cul sun antîc di cheste lenghe neolatine.