Plui lenghis, plui culture, plui Europe

Vinars 11 otubar, 17:00
Knjižnica Damir Feigel/Biblioteca Damir Feigel, Gurize
Jentrade libare

Jessi Capitâl europeane de Culture e je une ocasion par gjoldi di une visibilitât internazionâl plui marcade, par dâi plui snait ae vite culturâl di chel teritori e ancje par sburtâ invistiments che a judin la economie locâl. Pes comunitâts là che si fevelin plui lenghis e pues e e varès di jessi ancje une oportunitât par meti in biele mostre cheste pluralitât linguistiche e culturâl.
Vie pe edizion 2022 dal festival Suns Europe, la cooperative Informazione Friulana – societât editore di Radio Onde Furlane – e veve inmaneât l’incuintri «Plui lenghis, plui culture, plui Europe / Več jezikov, več kulture, več Evrope / Più lingue, più cultura, più Europa» cun chê di presentâ, in gracie dal contribût di esperts internazionâi, esemplis concrets di Capitâls europeanis de Culture che a àn savût meti in evidence la lôr diversitât linguistiche e culturâl e fâle deventâ un imprest di cressite coletive.
A partî di chê esperience, chest an Suns Europe al torne a proponi «Plui lenghis, plui culture, plui Europe / Več jezikov, več kulture, več Evrope / Più lingue, più cultura, più Europa» tmudantlu tune ocasion di confront tra chês realtâts che a promovin ativitâts, culturâls ma no dome, che a promovin il pluralisim linguistic dal Friûl. Une oportunitât par viodi a ce pont che si è, par fâ indenant ideis e progjets, par infuartî leams che za a son o par disvilupânt di altris, par e plui innà di Go!2025.