Librarie Tarantola, Udin
17:30, presentazion libri
LETERATURIS (SCRITURE, ATUALITÂT, PERAULIS)
TITUL: SAKONEAN. Navigant intal mâr dal Nûfcent basc
CUANT: vinars ai 13 di Otubar, h 17.30
DULÀ: Librarie “Tarantola”, Udin
LENGHIS DI RIFERIMENT: basc, castilian, furlan
DESCRIZION: A son oparis tant che «Vasconia» di Federico Krutwig o produzions come chês de cjase discografiche Herri Gogoa che a àn voltât a fonts la societât basche de seconde metât dal secul stât. Ma cui isal daûr di dut chest? «Sakonean, itsasoa ikusten da. Miangolarratarren uberan» (Txalaparta, 2023) – Sul fonts si viôt il mâr. Lis olmis dai Miangolarra – al pescje dal mâr de dismentie lis vicendis de famee Miangolarra Gorostiaga, tra Paîs Basc, Venezuela e France. Une biografie contade cu la prose elegante di Patxi Zubizarreta. Un barcon viert su la storie basche dal Nûfcent, de vuere civîl ae resistence antifranchiste. Une testemoneance di impegn politic e culturâl. Une storie di esili, dignitât e riscat.
PROTAGONIST: Patxi Zubizarreta (Ordizia, 1964) al è un autôr tra i plui impuartants de sene basche dal dì di vuê. Dopo di «Ametsetako mutila», jessût intal 1991, al à publicât une lungje rie di libris di gjenars diferents, movintsi de fantasience aes contis di ispirazion popolâr, dal teme des migrazions al realisim fantastic. Al à voltât par basc scritôrs tant che Abdela Taia, Eric-Emmanuel Schmitt e Naguib Mahfuz. Pluripremiât autôr di romançs e contis par fruts e fantats, al disvilupe ancje progjets che a lein la scriture cun altris arts, a partî de musiche.
INTRODUSÛT E MODERÂT DI: Carli Pup
IN COLABORAZION: cu la librarie “Tarantola” di Udin.
PRIME PRESENTAZION FÛR DAL PAÎS BASC