Joibe ai 28 di Novembar, 18.00
Biblioteche Civiche, Udine
Un resonament a plui vôs tra scritôrs, operadôrs culturâi e aministradôrs locâi su la leterature in lenghe furlane dal dì di vuê, a partî de prospetive di un pôcs dai premis leteraris dal teritori. L’apontament – moderât di Walter Tomada (insegnant, gjornalist e espert di leterature furlane) e introdusût di Serena Fogolini (operadore linguistiche e culturâl) – si propon di judâ il confront tra lis esperiencis leadis al Premi “S. Simon”, il plui impuartant tra i concors dedicâts ae leterature in lenghe furlane, al Premi “Tracanelli”, che al fâs di riferiment pe comunitât di lenghe furlane dal Mandament di Puart (Regjon Venit), e al Premi “Vôs de Basse”, che di cualchi an al da il so contribût ae scriture creative par furlan.