Martars ai 6 di Otubar a 18:00
Biblioteche comunâl “Gilberto Pressacco”, Codroip
Jentrade libare
LENGHIS DI RIFERIMENT: Furlan
DESCRIZION: «Tiere sidiade - Flabiselis speculativis picjadis tun spali tirât in cuintricjant dal amont dal Antropocen fin al prin cricâ dal Chthulucen» e je une racuelte contis – ce lungjis, ce curtis – che si movin, simpri cuntune lenghe fine e siore, tra gjenars diferents là che l’element realistic al zuie cun chel magjic, a voltis cu la flabe, altris cul fantastic, il fantasientific e il distopic.
PRIME PRESENTAZION ASSOLUDE
PROTAGONISCJ: Gianfranco Pellegrini, origjinari di Manzignel, cun studis classics e une lauree in filosofie al à vût lavorât par agns in ambit informatic. «Tiere sidiade» e je la sô tierce racuelte di contis dopo di «Cuatri stagjons dal an. Contis de disincressite» (2010) e «Cun altris voi» (2017), dutis jessudis cu la cjase editore KappaVu. Pe sô scriture al à ricevût diviers ricognossiments, tant dentri che fûr dal Friûl.
IN COLABORAZION: Comun di Codroip, inte suaze des ativitâts pal Premi leterari “S. Simon”.