Sabide ai 23 di Novembar 21:00
Auditorium de parochie, Pagnà
Vie Castellerio, 2
“Tumasch è” al è il non di sene doprât dal cjantautôr rumanç Thomas Cathomen, vincidôr de edizion 2017 di Suns Europe. L’atrat pe Americhe dal Sud e i viaçs fats ta chest continent, intune cul rock e cul pop plui rafinâts, a àn judât a formâ il stîl di chest autôr.
Cu la jessude dal so gnûf album “Il princip content” al pâr che Silvia Michelotti e vedi recuperât il snait e l’entusiasim dai agns a cjaval tra Novante e Doimil – cuant che e jere deventade une des vôs plui cognossudis e preseadis de musiche furlane – cun in plui une maturitât di scriture che e convinç e un grup che al spache fûr.