Dulà: foyer
Cuant: 01/12
Orari: 18:00
«Tumasch è» par rumanç al pues volê dî sei «Al è Tomâs» che «Ancje Tomâs» e al è il non doprât dal cjantautôr Thomas «Tumasch» Cathomen pal so progjet musicâl plui resint. I siei prins cuaranteun agns di vite ju à passât a scjavaç tra il Messic e la Svuizare e di chês dôs tieris al à cjapât ancje ispirazion pe sô produzion musicâl. Al à tacât a scrivi e a cjantâ par rumanç, tal Cjanton dai Grisons, passe cuindis agns indaûr cuant che al à dât fûr l’album ‘Tartarugapop’. Tal 2005 al è lât in Messic, là che al à metût adun i Dedo Caracol, une band cuntun repertori di cjançons origjinâls in plui lenghis che e à produsût doi discs e che e à fat une vore di concierts ator pes Americhis. Tornât in Svuizare, al à viert un troi gnûf – chel di Tumasch è – in balance tra pop, rock e cjançon di autôr.