Cas*Aupa, Udin
18:30, taule taronde
USMIS-SIUMS 1989-1995. La esperience di “Usmis: riviste par culturis rivoluzionariis furlanis e planetariis” e à paronât la atualitât furlane vie pai agns Novante e e je rivade a tramudâ il concet di apartignince in viertidure viers il mont e chês altris culturis. Un incuintri che al varà par fonde la ativitât e il rûl de riviste inte sene culturâl di chenti, e di li che al nassarà un moment di scambi e di laboratori li che a son invidâts a partecipâ coletîfs, progjets, editôrs, gjornaliscj e oms e feminis di culture che a volaressin tornâ a proponi chest gjenar di editorie ore presint e intal avignî.
Jentrade libare cence cuote associative.
Cu la partecipazion e la testemoneance di plusôrs protagoniscj dal moviment di Usmis
Moderadôrs: Alessio Ecoretti e Margherita Cogoi.
Selezion di musiche par cure di SoundVerité aes 21:00 – Jentrade dome par chei che a àn la cuote associative (si pues fâle sul puest)
Des 9 di sere jentrade risiervade ai socis ARCI 2023-2024. Si consee di fâ il pretesserament te gnove app ARCI.