GUSHI

Sabide 19 otubar, 21:00
Teatri Gnûf “Giovanni da Udine”

GUSHI (Minorance slovene dal Friûl)
Un progjet nassût te grande metropoli di Buenos Aires e sflorît tal piçul borc di Podsrednje. Gushi e Raffaele a vivin di passe vincj agns te Slavie furlane e fûr dal lôr barcon nol è plui il ciment de capitâl argjentine ma il vert vîf dai boscs che a cressin ad ôr dal Nadison. Chel istès, te lôr musiche si olme inmò il rivoc di un sunôr urban che ti vuluce lent, cjamât di trip hop, neosoul e breakbeat. Impegnâts a fâ sù implants artistics sonôrs e musichis par cines indipendents, a àn cjatât il timp di sperimentâ cuntune lenghe che no je la lôr ma che aromai i parten ad in plen!