MARIANNE VEENSTRA

Sabide 19 otubar, 21:00
Teatri Gnûf “Giovanni da Udine”

MARIANNE VEENSTRA (Bas Sasson)
Par chel che si vise, Marianne e à simpri scrit contis e poesiis. Inmò di fantacine e à tacât a sunâ tai ambients cui siei prins grups, a partecipâ a talent shows e a scrivi cjançons. Marianne e je la protagoniste dal documentari “Meiden die Rijden” là che e conte la sô vite dividude tra il lavôr di camioniste e chel di cjantante. Nol è tant che e à vinçût il Drèents Liedtiesfestival cul toc “Is zo wisse”, la storie autobiografiche di une relazion rivade ae fin.