Pozzis Samarcanda (Friûl) 20/07

Arene dal parc Loris Fortuna, Udin 21.30

di Stefano Giacomuzzi
Cine
in colaborazion cul CEC

Cocco e Stefano a son doi amîs improbabii peâts di unic obietîf: rivâ a Samarcanda. Cocco al à 73 agns, un passât tribulât e al è l’unic abitant di Pocis, un paîs bandonât su lis monts furlanis. Il so sium di simpri al è chel di partî viers soreli jevât parsore de siele de sô Harley Davidson dal 1939. L’incuintri cun Stefano, regjist di 22 agns, al invere il so sium. Al nas cussì un viaç ae don Quijote: 8000 km, fin intal cûr de Asie. Cocco suntune moto che no je adate par un percors cussì estrem. Stefano daûr, suntun furgon cuntune troupe cinematografiche, par tirâ fûr un cine su la imprese e su la storie tormentade dal amì. Tra lis dificoltâts di un viaç che al somee impussibil par un vecjo motâr, i dubis di un regjist zovin e impreviscj ancje dramatics, i doi a àn pôre di jessisi butâts intun progjet plui grant di lôr. Dome la lôr amicizie ur permetarà di rivâ ae proprie mete.
Stefano Giacomuzzi al sperimente une vore adore il documentari tant che strument par svicinâsi e par sgjavâ dentri di vitis insolitis. A disenûf agns al scomence a produsi il so prin luncmetraç, Sotto le stelle fredde, presentât a Suns Europe tal 2019, selezionât al Trento Film Festival e premiât al Bellaria Film Festival. Pozzis, Samarcanda al è il so secont luncmetraç, presentât in anteprime al Ischia Film Festival e al Millennium Docs Against Gravity Film Festival.
IN COLABORAZION: cul CEC – Centro Espressioni Cinematografiche di Udin

Biliet